La mia vita cos'era
quando che t'incontrai?
El museo che insognai
in clinica, 'na sera.
Stanze piene de noia
el ricordo me reca:
soto vetri de teca,
tempo che se disfoia.
Scale interote, morte,
che non dava su niente.
'N'ombra freda, radente,
pe' cigolanti porte.
A l'improviso, esterno,
un lampo colpi' i ochi
e inceneri' in do' tochi
el mio ordinato inferno.
Una finestra grande,
tra i rami de l'acacia,
me mise facia a facia
con el mare e le rande.
